العناية بالقدمين 🔥🚶🏻‍♀️🍇💙🌸

طبعا القدمين دول جزء مهم جدا في الجسم ليهم كريمات وتقشير وماسكات زي اي جزء في الجسم🌸🔥
علشان كده هقولك النهاردة ٦ خطوات علشان نهتم بجمال الجزء ده (القدمين)🔥🔥🔥
🔥نقع القدمين🔥
هنقع القدمين في ميه سخنه ع قد ما تستحمليها وتحطي فيها ملح وشوية من جل الاستحمام
🔥التقشير🔥
هنعمل مقشر بسيط جدا
٢ معلقه سكر خشن
٢ معلقه عسل نحل
١ معلقه زيت زيتون
وطبعا في كذا مقشر استخدمي ال يريحك انتي وال متاح عندك
هنجيب المقشر ونطلع رجلينا من الميه ونشف الميه بتكوت بفوطه نضيفه ونبتدي نقشر الجلد الميت بحركات دائرية وممكن تستخدمي الفرشاة الخشنه الخاصه بالقدمين

🔥هنغسل الرجلين بميه دافيه بعد التقشير وهنكرر الخطوتين دول مرتين اسبوعيا🔥

🔥هنرطب ترطيب قوي وتقيل وعميق
هنحط ع رجلينا فازلين او زبدة شيا لانهم مرطبات تقيلة وقويه جدا هنلبس شراب سميك علشان نتأكد ان رجلينا هتترطب بشكل عميق🔥

🔥 الترطيب بشكل يومي زي ما بترطبي ايدك ووشك وجسمك رجلك كمان محتاجه ترطيب كل يوم
بس الترطيب اليومي هيكون خفيف مش زي الاسبوعي
يعني هنجيب كريم مخصص للقدمين ونرطب كل يوم
وخلي بالك اول جزء بيبان عليه الشيخوخة ايدك ورجلك
ف لازم نهتم بيها كويس🔥


🔥دي خطوة مهمه جدا ممكن تستغربيها لكن هي مهمه جدا جدا
وهي لما تلبسي اي جزمة مكشوفه تحطي sunblock  ع رجليكي علشان الشمس متحرقهاش بالظبط زي وشك 🔥🔥
ودي كل الخطوات ال حبيت اوضحهالك وهتجيب نتيجه معاكي بإذن الله
يارب تكوني استفدتي من الخطوات دي ياكيكة🔥🌸💙👆🏻
#skin_care
#دمتم_كيكات_ياحلوين 👆🏻💙🌸🌸🔥🌸🍇💙🚶🏻‍♀️🚶🏻‍♀️💙🍇💙🔥💙🔥💙🔥💙🔥💙🍇💙🚶🏻‍♀️💙🍇🌸🍇🔥🌸🔥🌸

Black sugar scrub 🌸🔥🖤

Skin food black sugar 🖤🔥
مقشر السكر الأسود من شركة سكين فود الكورية الشهرية
يحتوي على مكونات السكر الاسود والتي بدورها
تحتوي ع فيتامينات ومعادن غنية
وحمض الجليكوليك
العناصر دي بتساعد ع تجنب علامات التقدم في السن
 بيسر الجلد الميت بطريقة ممتازة
وبيخليه البشرة بعده مستعدة انها تستفيد من اي مرطب او ماسك
جذوره🔥🖤
السكر الأسود ال بيزيل الجلد الميت ال مكتون ع البشرة
معادن غنية تنشط الجلد وتجعل البشرة نضرة
هنستعمله ازاي؟
هنغسل الوش ويكون مبلول وناخد منه ونفرك البشرة ونسيبه عليها ربع ساعه ونغسل بميه فاترة🖤🔥
سعره 260
#SKIN_CARE
#دمتم_كيكات_ياحلوين 🔥🖤🖤🖤🖤🖤🖤🖤🖤🖤🖤🖤🖤🖤🖤🖤🍑

ازاي تخلي بشرتك تنور في العيد🌸💙

النهاردة يابنوتات هنعمل روتين حلو كده لبشرتنا
بس قبل اي كلام اي روتين لاي منطقه سواء بشرتك او جسمك
او حتي روتين لشعرك لازم لازم الاستمرارية عليه
علشان تشوفي نتيجه مش يومين او تلاته او حتي اسبوع وتغيريه وتقولي مفيش نتيجه او مثلا تقولي لا مكسلة
لا طبعا لازم تستمري علشان تاخدي نتيجه حلوة
طيب اول حاجه خالص علشان تلاقي نتيجه لاي روتين عاوزة بشرتك تبقا كويسة عليه
في ٣ خطوات أساسية لازم تمشي عليهم
🍓انك ترطبي داخليا قبل خارجيا يعني تشربي ميه كتير جدا
علشان نرطب داخليا وفي نفس الوقت تحافظي ع للترطيب الخارجي
🍓الاستمرارية زي ما قولتلك في الاول لازم استمر علشان الاقي نتيجه
🍓لازم استخدم sunscreen  او sunblock  ده ضروري جدا جدا
مهما تعملي ماسكات وروتين للبشرة ومفيش sunscreen او sunblock  بشرتك مش هتستفاد ابدا وخصوصا المحجبات لما بنتعرض للشمس وبنقلع الطرحه نلاقي لون ولون ده آثار الشمس طبعا وانك مش بتحطي sunscreen or sunblock 
طبعا النهاردة هكلمكو عن مجموعة EVA للعنايه بالبشره
غسول مقشر كريم ترطيب نهاري كريم تركيب ليلي وكريم مخصص لمنطقه العين
طبعا انتي بتجيبي المنتجات دي علي حسب نوع بشرتك
🌸جافه عادية مختلطه او دهنيه🌸
لازم تنضيف البشرة بالغسول بشكل يومي علشان البكتيريا  ال موجودة متتراكمش ع بشرتك وبالتالي تطلع حبوب ف يبقا شكل البشرة مش لطيف
المقشر ده🌸
بشكل اسبوعي مش يومي ع حسب احتياج بشرتك علشان نشيل طبقه الجلد الميت وميبقاش الوش مش نضيف وشاحب
كريم الترطيب الليلي🌸
نحطه بالليل بس لان مكوناته بتشتغل بليل
لو حطيته بالنهار هيسمر بشرتك
كريم الترطيب النهاري🌸
بنحطه في النهار وبس طبعا
كريم الترطيب المخصص للعين🌸
هما اتنين واحد للبشرة الفاتحه
وواحد للبشرة السمرة
اختاري ال يناسب لونك ورطبي المنطقه دي
لان دي اهم حاجه في الوش
اهتمي بنفسك و ببشرتك🌸🌸🌸🌸🔥🍓
#skin_care
#دمتم_كيكات_ياحلوين 

فضفضة🌸💙

مجرد فضفضة مش اكتر 🌸
محبتش المرة دي تكون ريفيو عن اي منتج
حبيت اقولك انك ك بنوته او ك ست متجوزة مش ضروري ابدا طول الوقت تبقي فلة شمعه منورة
وكريمات وبتاع
احنا بني ادمين  لينا طاقه ومشاعر وجت وبتيجي وهتيجي علينا لحظات كتير بنفقد السيطرة وبنفصل واحيانا بتيجي لحظات مكسلة فيها انك تتكلمي
عادي ده لاننا بنحس وكمان في ضغوطات
الممثلين الووواااااوو  ال بنشوفهم في التليفزيون
طول الوقت حلوين وحتي وهما صاحين من النوم حلوين
ده لانه تمثيل لكن في الطبيعي هما عادين زينا
الاهتمام بنفسك حلو  جدا وعلي قد امكانياتك كمان وهتبقي  قمر
محدش فيكو  ينبهر بأي ممثلة
في عملياتوفي فلوس ومفيش هم ولا ضغط
في مليون فرق بينا وبينهم لكن احنا نقدر نهتم وتبقا حلوين كمان
بس ال عاوزة اقوله انه مش مطلوب منك طول الوقت تكوني Perfect خليكي ع بطبيعتك
واعملي ال يريحك واهتمي بنفسك ع مزاجك
وشوفي ال يناسبك واعمليه
لنفسك وبس💙💙🌸
#فضفضه_مش_اكتر 🌸💙💙💙💙💙💙💙💙💙

جلد الوزة 💔👇🏻

جلد الوزة اسبابه وحله🦆👇🏻

المشكلة دي بتقابل بنوتات كتير وبيحتارو في حلها 

علشان طبعا بتسبب إحراج ده غير المشاكل النفسيه 

الجلد بيكون مظهره خشن ومكان ظهور الشعر في اي مكان في الجسم بيكون فيه بثور ونقط حمرا او بني وبيبقي شكلها

وملمسها مزعج جدا

المشكلة دي ليها أسباب كتير  واكيد كمان ليها حل  

بس الطريقه او الحل محتاج وقت ومحتاج اننا نداوم ع الحل 

الاسباب👇🏻👌🏻

المشكله دي بيبقا في الغالب سببها تراكم طبقه من الكيراتين 

ع جدر الشعرة وده بيعيق طريق الشعرة للخروج برا الجلد 

ولكن في أسباب تانيه كتير وطبعا لازم تعرفي الاسباب دي علشان تعرفي مشكلتك فين بالظبط وتعالجيها كويس

باقي الاسباب👇🏻🦆

🌸العوامل الوراثية 

🌸إزالة الشعر الزائد  بطريقه خاطئة

🌸نقص فيتامين A

🌸التوتر العصبي الشديد

🌸ضق المسام 

🌸التعرض لبرودة شديدة

🌸 الجفاف الشديد 

طرق العلاج🌸👇🏻👌🏻

 العلاج بشكل عام ايا كان السبب في ٣ خطوات

🌸شرب كثير من الماء علشان تتخلصي من السموم ال في الجسم اللي بتتراكم تحت الجلد 

🌸ترطيب الجسم بشكل مستمر وخليها من عاداتك اليومية 

🌸دخلي فيتامين A بشكل اكبر في نظامك الغذائي وبتاكلي اكلات غنية بيه زي الجزر والطماطم مثلا

وممكن تاخدي حبوب فيتامين A عادي جدا

💙اما بقا الروتين اليومي ال هنمشي عليه أثناء فترة العلاج 

 كالآتي:

🌸ممنوع ازاله الشعر لمدة شهر او ٤٠ يوم لغايه ما يظهر الشعر بالكامل 

🌸استخدمي المقشر مرة واحده اسبوعيا علشان تشيلي طبقه الجلد الميت  وياريت المقشر يكون فيه مرطب قوي زي زيت جوز الهند وزيت الزيتون كده يعني

🌸

اغسلي شعرك في الحوض قبل الاستحمام علشان الشامبو والبلسم مينزلش ع جسمك وجلدك يمتص  الكيراتين ال فيهم

🌸رطبي رطبي رطبي   ورطبي قبل النوم بكريم الجلسرين او زيت الزيتون الخام او زيت جوز الهند او اي مرطب قوي جدا

🌸بعد انتهاء الشهر او ال ٤٠ يوم اعملي ازالة للشعر من الجدر مش حلاقه متقطميش الشعرايه لا شليها من الجدر 

استمري ع الحاجات دي والموضوع هيتحل وهتنسي جلد الوزه نهائي🌸🌸💙👌🏻

#skin_care 

#دمتم_كيكات_ياحلوين💙💙💙💙

Laneige Lip Sleeping Mask👄💙

 Laneige Lip Sleeping Mask👄💙
ماسك الشفايف الليلي💙🌍
يحتوي ع فيتامين C يعني تفتيح لغمقان الشفايف👄🔥
والتوت البري🍇
والفراولة🍓
يعمل علي إزالة الجلد الميت
وبيقشر شفايفك اثناء النوم👄🍇🍓
الصبح هتلاقي شفايفك نااااااعمه وورديه وكمان غير ريحته القمر🍓🔥👄
حطي كميه صغيرة علي شفايفك ونامي
وهتصحي تلاقي حاجه وهم🍓🔥🔥🔥🔥🔥🔥💙🌍🌍👄
ب 110 جنيه
#skin_care
#دمتم_كيكات_ياحلوين 

Kesh King Oil🔥💙🍃

Kesh King Oil For Hair🍃💙🔥
مكون من 21 عشبة منقوعين في زيت السمسم
🔥فوايده🔥
🌸بيطول الشعر في مده قصيرة
🌸يقضي ع التساقط
🌸بيقضي ع التقصف
🌸بيخلي الشعر صحي وقوي
🌸 يملأ فراغات الشعر
🌸تحفيز نمو بصيلة الشعر
🌸بيقضي ع القشرة
🌸بينع يغذي ويكثف الشعر
طريقه الاستخدام 🌸🔥
حمام زيت قبل النوم ع شعر نضيف وناشف
واهم حاجه مساج لمدة 5 دقايق
ممكن تغسليه تاني يوم
او تقعدي بيه يومين وتغسلي ب شامبو عشبي🌸💙🍃
#skin_care
#دمتم_كيكات_ياحلوين 💙🍃🍑